föstudagur, september 30, 2005
Horfði á leitarþáttinn tvisvar í gær! Þetta var magnaður þáttur og Steini stóð sig með sóma. Þetta var samt ótrúlega skrýtið, þ.e. að sjá hann í sjónvarpinu!
Er að fara að vinna kl. 10 og er að vinna til 7... Föstudagurinn langi eins og við köllum hanní vinnunni! En það er bara stuð!
Helena ætlar að koma í heimsókn í kvöld eins og alltaf á föstudögum þegar það eru pabbahelgar! Það er bara snilld! Gaman gaman!
En annars er lítið að frétta, lífið gengur sinn vanagang í Sunnufellinu..
En á fimmtudaginn í næstu viku hefst stuðið! Þá byrja Bachelorpartýin heima hjá mér! Allir sem hafa áhuga eru velkomnir! Þetta verður magnað! Hlakka til að sjá sem flesta!
En ætla að drífa mig, sjáumst!
Sirrý krotaði klukkan 09:12 af ástúð
+
+ +
miðvikudagur, september 28, 2005
Í dag er miðvikudagur, sem táknar bara eitt! Á morgun er fimmtudagur, eða Bachelordagur!! Heima hjá mér eiga að vera vikuleg Bachelorpartý, sem hefjast þó sennilega ekki fyrr en gamanið byrjar fyrir alvöru!
Komum heim úr bústaðnum á mánudaginn. Hann var frábær! Vorum samt næstum því lent í köku á leiðinni heim. Vorum að koma út af malbikinu á Háreksstaðaleiðinni og fannst vegurinn framundan vera ansi svartur og auður. En nei, þá var þetta ekki vegurinn, heldur flutningabíll með tengivagn, á fullri ferð á miðjum veginum, algjörlega ljóslaus!! Ég var ekki alveg nógu sátt með Landflutningar-Samskip þá, en þetta slapp þó til. Mátti samt ekki muna mörgum sekúndum. Sigurgeir fær rokkstig fyrir fyrirmyndarakstur! ÉG bara skil ekki hvernig í andskotanum þessum heimska bílstóra datt í hug að vera ljóslaus! Eru slysin ekki nógu mörg í þessari blessuðu umferð? Maður hefði allavega haldið það!
En nú er allt á fúllu í félagslífinu hjá mér. Er í stjórn Lagarins, er að fara á ættarmótsnefndarfund og er að læra línudans! Brjálað að gera!
En ég heyrði í henni Kollu minn í gær. Hef ekki heyrt í henni neitt af ráði síðan hún fór út. Dagarnir hjá henni renna saman í eitt í stanslausri bjórdrykkju og reykingum! Gaman að því!
En ætla að fara að vinna, síðar!
Sirrý krotaði klukkan 11:30 af ástúð
+
+ +
mánudagur, september 26, 2005
5 gagnslausar staðreyndir um mig!
1. Ég er haldin ólæknandi fuglahræðslu. Ég get ekki horft á fugl, hvað þá snert hann, án þess að gráta og langa til að deyja. Ef að Tengdó dettur í hug að hleypa Kobba úr búrinu þegar ég er í heimsókn, fyllist ég ofsahræðslu og hleyp út!
2. Ég tala alltof mikið, stundum minni ég sjálfa mig á ömmu heitna á Bolungarvík sem átti það til að tala stundum án þess að nokkur væri að hlusta... Og miklu lengur en það!
3. Ég er tölvusjúk. Ég get varla lifað af heilan dag án þess að fara á netið. úff.
4. Ég get ekki drukkið vatn beint úr krananum úr glasi nema fylla það fyrst, hella svo úr því, fylla það aftur og drekka svo. Alveg sama hversu svakalega tandurhreint glasið er!
5. Ég er forfallinn Leiðarljós, Nágranna og Glæstra vona fíkill. Og ég græt yfir Opruh á hverjum einasta degi!
Þarna hafiði það gott fólk!
Sirrý krotaði klukkan 16:07 af ástúð
+
+ +
sunnudagur, september 18, 2005
Af hverju er til svona mikil mannvonska í heiminum?
Var að horfa á Hótel Rwanda og ég fékk verk í hjartað. Ég skammast mín fyrir að vera hvít stundum, og þá átti við þarna. Hvernig getur fólk gert svona hluti? Ef eitthvað kæmi fyrir okkur hérna á litla Íslandi myndum við búast við því að fá aðstoð annarra þjóða, rétt eins og í Thailandi þegar Flóðbylgjan skall á 26. des. En í þessari mynd var fólkið skilið eftir. Það var yfirgefið og öllum í hinum vestræna heimi virtist ekki geta staðið meira á sama. Mér bauð við þessu og langaði á tímabili að æla og öskra á sjónvarpið. Oj!
En í dag er sunnudagur, eða eins og ég kýs að kalla hann, Helenudagur! Það er orðin hefð hér í Sunnufellinu að fá Helenu hingað á þessum degi, hanga og éta svo einhvern geggjaðan mat. Fyrst var kjöt í karrý, svo var kjúklingur með öllu tilheyrandi og í dag er Ítali!! Súpukjöt soðið í tómatpúrru og með því etið spaghettí og kartöflumús. Ilmurinn er dásamlegur og ég get sagt ykkur það að ég bara get ekki beðið eftir að borða! Nammi nammi!
Ætla að halda áfram að hanga með Helenu, það er nú einu sinni Helenudagur!
Sirrý krotaði klukkan 18:01 af ástúð
+
+ +
föstudagur, september 16, 2005
Föstudagskvöld eru skemmtileg... Í dag fékk ég þráðlausa netið í tölvuna mína! Jibbý... Ásta Skásta, ég elska þig!! Þú reddaðir mér alveg!
Ég og Helena erum lúðar dauðans, sitjum hér í sitthorri tölvunni og leikum okkur á netinu! Geggjað! Eva er líka að bætast í hópinn þar sem hún situr núna í borðtölvunni og skoðar netið! Við erum lúðar!
Á morgun er ég að fara að vinna... Ég og Binni erum heppna fólkið sem á þessa helgi. Í dag var Binni t.d. mjög þreyttur sökum of mikils gangs á hreindýraveiðum daginn áður. Dagurinn í dag var því letidagurinn í vinnunni. Gott að velja föstudag til þess!! Við vorum bara tvö líka þar sem Birna þurfti að bregða sér til Akureyrar... En um næstu helgi er ég að fara í frí! Verð í fríi frá fimmtudegi til mánudags og ætla að láta mig hverfa eina með kallinum... úllallaaaaa!
EN DÖMUR MÍNAR OG HERRAR, BACHELORINN BYRJAR NÆSTA FIMMTUDAG!!!!!! ÉG GET SKO EKKI BEÐIÐ! GET ÞAÐ BARA NÁNAST ALLS ALLS ALLS EKKI!! ALLIR AÐ FYLGJAST MEÐ! LÍKURNAR Á ÞVÍ AÐ ÞEKKJA EINHVERN Í ÞESSU ERU SVO SVAKALEGAR!!!!!!
En ætla að halda áfram að hanga og hanga og hanga! Síjú!
Sirrý krotaði klukkan 22:30 af ástúð
+
+ +
fimmtudagur, september 15, 2005
Góðan daginn!
Ég fór á ávaxtakörfuna um síðustu helgi með Elísu. Það var æðislegt! Jónsi var bara fallegastur og Birgitta var geggjuð! Lögin og boðskapurinn í leikritinu eru hreinasta snilld!
Á laugardagskvöldið fór ég svo á ball í Valaskjálf og það var líka tærasta snilld! Jónsi er bara fallegur! (góð vísa er aldrei of oft kveðin!!!) Alda er pottþétt djammfélagi aldarinnar!
En hvenær í ósköounum byrjar eiginlega Bachelor?? Einhver sagði mér að það ætti að byrja 15. sept, en ég sé þess hvergi merki! Ég bara hreinlega get ekki beðið eftir að sjá þessa snilld!
En að frænkuhittingnum um daginn! Hann var hin mesta snilld. Orð kvöldsins voru garðyrkjumaður og sundlaug! Ég var með harðsperrur í maganum af hlátri og skemmti mér konunglega!!
En ætla að fara að vinna og láta mig dreyma um næstu helgi (ekki núna heldur næstu) af því að þá ætla ég að fara í rómantíska helgarferð með kærastanum! Ætlum að fara tvö EIN í bústað og hafa það gott...
Later!
Sirrý krotaði klukkan 11:20 af ástúð
+
+ +
miðvikudagur, september 07, 2005
Ég var að vinna á Skjöldólfsstaðaballi sem táknar að ég missti nánast af goðinu mínu á sviði... Bömmer!
Helena kom í heimsókn á laugardaginn og fór ekki heim fyrr en seint á sunnudagskvöld! Það var magnað..
Ása mín kemur heim á eftir eftir að því er virðist óratíma. Ætla að sækja hana á völlinn og get ekki beðið!
Svo er frænkuhittingur heima hjá Írisi Rand í kvöld.. Og ég ætla að mæta og fá allt slúðrið beint í æð og örugglega deila einhverju slúðri líka. Það er nefnilega ekkert dásamlegra en slúður beint í æð! Elska'ða! Og ég veit að Gréta frænka hlýtur að mæta vegna þess að hún fær svona fráhvarfseinkenni ef henni er ekki sagt slúður í nokkra daga! Það finnst mér snilld!
Núna er kominn vetraropnunartími í Vínbúðinni svo að ég þarf ekki að mæta í vinnuna fyrr en 12 á hádegi. Það er alveg hrikalega ljúft! Þá get ég nefnilega farið að rifja upp gömul kynni af morgunkaffinu hjá Ragnhildi Ben! Það var órjúfanlegur partur af síðasta vetri að fara allavega tvisvar í viku í kaffi til hennar og fá slúdda og fréttir af mínum nánustu!
En ég og Helena ætlum að fara að drífa okkur í berjamó. Hvert gætum við hugsanlega farið? Er ekki einhver hér sem veit um rétta staðinn?
Svo er ég að fara á Landsfund Sjálfstæðisflokksins. Það er búinn að vera draumur minn ansi lengi að komast á þá samkomu. Fór á fund í félagi ungra sjálfstæðismanna á mánudagskvöldið, var kosin í stjórn og fékk eitt af þremur sætum sem félagið hafði yfir að ráða á landsfundinn! Pabbi fer líka, eins og hann hefur reyndar gert frá því að ég man eftir mér..
Það er nýr raunveruleikasjónvarpsþáttur að byrja á Sircus. Ég reyndar sé ekki þá sjónvarpsstöð, en þessi þáttur verður án efa athyglisverður.. Getið séð allt um hann hér
Í þennan þátt vil ég að Helena skrái sig! Og líka Abba.. Þær eru svo klikkaðar að það er ekki hægt að gera svona sjónvarpsþátt án þeirra! Þær myndu nefnilega aldeilis rugla í þessu liði þarna og gera allt kreiiiisí!
Ætla að segja þetta gott í bili. More to come soooon!
Sirrý krotaði klukkan 09:47 af ástúð
+
+ +
