fimmtudagur, mars 24, 2005
Ég hef hingað til ekki viðrað skoðun mína á Bobby Fischer málinu, en nú get ég ekki lengur orða bundist. Hversu langt á þetta rugla að ganga? Einkaflugvél? Aukafréttatímar? Hvað í andskotanum gengur fólki til? Er allt á leiðinni til fjandans?
Úti í Texas er t.d. ungur íslenskættaður drengur í stofufangelsi á heimili sínu fyrir ,,glæp" sem hann framdi 9 ára gamall að mig minnir(Leiðréttið mig ef ég fer ekki með rétt mál) . ,,Glæpur" þessu myndi á íslensku kallast læknisleikur eða forvitni ungra barna en úti í Bandaríkjunum er hann Barnaníðingur. Fjölskylda þessa unga manns er búin að biðja um hjálp héðan af fróni en engin svör fengið. Hvers konar eiginlega endalaust helvítis rugl er hægt að vera með? Og hvað er Bobby Fischer annað en fárgeðsjúkur maður sem kann að tefla? Og þessi besti vinur hans? Ég tala nú aðeins oftar við besta vin minn en á 25 ára fresti..
Ég er hundskítdrullufúl yfir þessum skrípalátum í þessu fólki sem stendur fyrir þessu og kem aldrei til með að sætta mig við það að þessi maður skuli vera búinn að fá íslenskan ríkisborgararétt fyrir ekkert.
Hér ekki fyrir svo löngu síðan var ungu pari með ungabarn neitað um pólitískt hæli á Íslandi, en svona drullusokka er hægt að hýsa? Hvurskonar eiginlega rugl er þetta? Ég bara á ekki aukatekið orð!
Þetta er bara algjörlega óútskýranlegt þetta djöfulsins rugl og ég trúi því ekki að fólk sé stolt af þessu.
Sirrý kveður, ekki beinlinis stolt af því að vera Íslendingur fyrst að fólk sér sig knúið til að flytja inn eldgamla, þreytta og fárgeðsjúka menn í stað þess að hjálpa fólki sem þarf á því að halda hér á landi.
Sirrý krotaði klukkan 18:34 af ástúð
+
+ +
sunnudagur, mars 20, 2005
Ásta Evlalía frænka mín var í Stundinni okkar áðan að syngja. Þetta var alveg æðislegt og ég fékk gæsahúð mikla þegar ég horfði á þetta!
Hægt er að fara inn á heimasíðu Sjónvarpsins og hlusta á þetta!
Smellið hér!
Sirrý, að deyja úr monti!
Sirrý krotaði klukkan 19:35 af ástúð
+
+ +
laugardagur, mars 19, 2005
Börnin eru komin, halelúja!
Mikið er yndislegt að vera loksins búin að fá þau austur á ný. Við höfum ekki séð þau síðan um jólin og þykir mér það ansi langur tími! Framundan eru semsagt 10 dagar í alsælu!
En mig langar að benda ykkur á athyglisverðan sjónvarpsþátt sem ENGINN má láta fram hjá sér fara. Þáttur þessi nefnist Í Austurdal og verður sýndur í ríkiskassanum kl 20.00 á páskadag.. Þátturinn fjallar um bónda í Austurdal í Skagafirði og hreint út sagt algjör snilld! Ég var svo heppin að fá að sjá þennan þátt í Skagafirði þegar hann var frumsýndur fyrir heimamenn, og óhætt er að segja að hann mun ekki láta nokkurn mann ósnortinn! Þetta er svo einlæg og æðisleg mynd... Ooooo... Og ég hitti aðalsöguhetjuna og kvikmyndagerðarmanninn! víhí!
Munið: Ríkiskassinn, páskadagur, tuttugu.núll.núll.
Hreiðar: Takk fyrir að bjóða mér með á sínum tíma!
Sirrý úúút!
Sirrý krotaði klukkan 21:47 af ástúð
+
+ +
þriðjudagur, mars 15, 2005
Páskarnir nálgast....
Fór í Bónus í dag til að gera matarinnkaupin.. Var svona að rölta um búðina þegar ég rak augun í páskaeggjastæðuna og mundi snögglega eftir því að ekki var búið að fjárfesta í eggjum fyrir gullmolana mína 2. Leit á verðmiðann á Nóa-Síríus páskaeggjunum og rak upp stór augu!! Þau voru nánast gefins! Og af því að ég get aldrei setið á mér, þá keypti ég 2 risapáskaegg! Og hvað borgaði ég fyrir þau, jú mikil ósköp, 2000 krónur! Hef mikla trú á því að ég eigi eftir að vera elskuð að eilífu!
Núna á laugardaginn gerast svo hlutirnir, Bryndís Anna Ólöf og Hrafnkell Hilmar koma með flugvélinni eldsnemma á laugardagsmorgun! Það er aldeilis ekki laust við að ég og Sigurgeir séum orðin ansi spennt! Það er svo ógurlega langt síðan við höfum séð þau og barasta getum ekki beðið! Og þar sem ég er komin í svona svakalega fína vinnu þar sem frídagar eru frídagar, hef ég allan tíma í veröldinni til að hangsa með þeim! Er bara alveg endalaust spennt! Það er nefnilega þannig að ég elska börn! Það allra skemmtilegasta sem ég geri er að hafa fullt af börnum í kringum mig til að snúast með! Þegar ég var á Akureyri í desember, var það það allra yndislegasta sem ég gerði að leika við Brynjar og Egil Ara, og þess á milli að hitta Óliver Enok og Aron Ísak! Ef ég mætti velja mér börn, þá myndi ég velja þá 4! Yndislegustu börn heims! Og náttúrulega Ástu Evlalíu og Guðjón Erni, þau eru alveg hreint tær snilld!
En hvað er yndislegra en að hafa vinnu þar sem er hreinlega lokað á hátíðisdögum? Ég spurði í vinnunni í dag hvort að það væri lokað 17. júní og fékk afar athyglisvert hornauga frá bossinum. "Að sjálfsögðu" hálf æpti maðurinn og var ekkert smá hneykslaður! Ég nefnilega var eins og margir vita að vinna í söluskálanum eitt sinn og þá var nú aldeilis hreint ekki lokað á neinum dögum nema á jóladag og nýjársdag.. Aðrir dagar voru unnir og ekkert múður! Ég elska vinnuna mína! Elska hana, elska hana, elska hana!
Ætla að hlunka mér í háttinn fljótlega, en meðan ég man... vantar ekki einhvern alveg hreint þrusu flott rúm? Það er nefnilega alltof stórt í herbergið mitt! Hafiði samband ef ykkur langar í fallegt rúm!
Sirrý krotaði klukkan 23:21 af ástúð
+
+ +
laugardagur, mars 12, 2005
Idolið fór eins og ég var búin að vona... Hildur Vala var svo frábær í gær að ég stóð sjálfa mig að því að fella tár! Hún var svo innilega falleg og söng svo fallega....! Ég kaus hana held ég 5 sinnum, og sé alls ekki eftir því! Ég er í skýjunum yfir þessu.. Hægt er að sjá brot úr söng stúlknanna inn á idol.is
Í kvöld er ég svo að fara á dansleik. Skítamórall mun leika fyrir dansi, en Einar Ágúst er víst hættur í bandinu..? Hvernig verður þetta eiginlega...
Sirrý krotaði klukkan 09:52 af ástúð
+
+ +
miðvikudagur, mars 09, 2005
Ég er greinilega að slappast í bloggbransanum!
Svona er þetta víst þegar maður er hættur að vinna við tölvu, þá einhvern veginn nennir maður ekkert að vera að eyða frítíma sínum í að hanga þar!
Af mér er lítið að frétta svosem, er nýstigin upp úr flensu satans og óska ég engum þess að fá þennan viðbjóð.. Við Sigurgeir lögðumst á svipuðum tíma svo að við höfðum félagsskap af hvort öðru, en eftir heila viku vorum við nú farin að nettpirrast hvort á öðru..! En ekki alvarlega samt.. Reis svo á fætur á sunnudaginn og fór í kaffisamsæti til Írisar og Nonna í Selásnum. Íris varð 29 ára einu sinni enn og bauð frænkum og frændum í kaffi. Agalega flottar kökur en ég hafði enga lyst... Sat mest megnis úti á pali og naut þess að vera loksins komin á fætur!
En páskarnir nálgast óðfluga og þá er von á gleðilegum gestum... MJÖG GLEÐILEGUM meira að segja! Bryndís Anna Ólöf og Hrafnkell Hilmar ætla að vera hjá okkur um páskana! Koma 18 mars og verða fram yfir páska... Og Guð góður hvað ég get ekki beðið! Ég hef ekki séð þau í háa herrans tíð og er búin að sakna þeirra mikið! Heyri nú alltaf í þeim annað slagið, en þá saknar maður þeirra bara ennþá meira... Úff, þetta er erfitt líf...
En aðeins að daglega amstrinu... Fór í Bónus í dag og fékk gefins mjólk... Já, Bónusfeðgar eru að missa það og gáfu öllum 6 lítra af mjólk?? Hvað er það?? Getur ekki einhver gefið mér bjór eða sígarettur?!
En nú er kominn háttatími hjá gömlu fólki eins og mér! Að lokum vil ég samt benda á síður síðanna á internetinu og hvet ég alla til að kíkja á þær...
Ingibjargirnar-hér blogga frænkur af Vaðbrekkuætt!
Vaðbrekkingar-hér blogga allir af Vaðbrekkuætt!
Sirrý krotaði klukkan 23:03 af ástúð
+
+ +
