föstudagur, desember 31, 2004
GLEÐILEGT ÁR!!!
Sirrý krotaði klukkan 11:38 af ástúð
+
+ +
miðvikudagur, desember 29, 2004
Núna fer ég að gráta....
Jerry Orbach, sem leikur Lenny Briscoe í Law and Order er látinn. Lést í gærkvöldi úr krabbameini sem hann hafði í blöðruhálskirtli.
Hann lék einmitt líka í bestu mynd allra tíma, Dirty Dancing..
Sorglegt...
Sirrý krotaði klukkan 16:42 af ástúð
+
+ +
Komin í Egilsstaði í áramótafrí... Eða, er reyndar að vinna alveg til 12 á gamlársdag, en þá er ég komin í frí! Ákvað bara að koma mér hingað á undan veðrinu!
Én ég óska ykkur öllum gleðilegrar restar! Sííííjú!
Sirrý krotaði klukkan 14:04 af ástúð
+
+ +
mánudagur, desember 27, 2004
Gleðilega hátíð :)
Komin aftur á Akureyri í vinnuna.. Leiðinlegt hvað þessi jól eru stutt og skrýtin að þessu sinni.. En þau eru nú samt ekkert leiðinlegri fyrir vikið :)
Ég fékk fullt af jólagjöfum. Agalega sæl með þær allar að sjálfsögðu.
Svo er það Egilsstaðir city um áramótin. Ætla samt bara að taka því rólega, kíkja á íbúðina mína og hitta fólkið. Ætla að borða hjá Sigurgeir á gamlárskvöld í Sunnufellinu. Hitta jafnvel á Bryndísi Önnu Ólöfu og Hrafnkel Hilmar. Hlakka agalega mikið til :)
En ætla að vinna af mér rassinn núna, síðar...
Sirrý krotaði klukkan 10:47 af ástúð
+
+ +
miðvikudagur, desember 22, 2004
Hæ aftur...
Afmæliskeðjur dagsins fá:
Bryndís Anna Ólöf Sigurgeirsdóttir, sem er sætasta stelpan á jarðkringlunni. Ég sakna hennar rosa mikið og ég vona að bílferðin austur gangi rosa rosa vel. Vona svo að ég hitti hana eitthvað þegar ég kem um áramótin.. :)
Abba mín, hún er sætasta konan á jarðríki :)
Áróra Snorradóttir sem er algjör gella :)
Þið eruð allar frábærar og fáið rosa stórt knús og afmæliskveðjur frá mér :)
Sirrý krotaði klukkan 16:58 af ástúð
+
+ +
Upp er runninn síðasti vinnudagurinn fyrir jólafrí :)
Hlakka svo endalaust til að komast til mömmu á Húsavík, og gerist það á morgun.. Þar eru jólin komin jólaskrautslega séð, fyrir utan jólatréð að sjálfsögðu :) Það er alltaf skreytt á Þorláksmessukvöld af okkur systkinunum saman og er það eiginlega órjúfanlegur hluti af jólunum...
Þar sem að nettengingin á Húsavík er frekar slök, ætla ég að nota tækifærið og óska ykkur öllum gleðilegra jóla :)
Sirrý krotaði klukkan 13:47 af ástúð
+
+ +
þriðjudagur, desember 21, 2004
Jólin eru að koma...
Jahérnahérnahér! Guð almáttugur...
Fer til mömmu á þorláksmessu. Get sko ekki beðið!! alls alls ekki! Var í hangikjötsveislu í vinnunni, namminammi!
En ég er svo stressuð að ég er að fara yfirum.. Ætla að hætta að að blogga áður en ég fer að skrifa eitthvað bull....
oa´æirutnðp9vq8r7tö0qm83,,8qx9ð08ta4mv 0874öq398m7yö98ynvqp98y6np983
98y74nv q9ö8nyq98ynö9qc8dynpiohn vflkjhacnoiuympe9oq8ry,m98uymvpo98ymn
Smá svona stress í gangi! AAAAArgh!
Sirrý krotaði klukkan 19:38 af ástúð
+
+ +
sunnudagur, desember 19, 2004
Jahá!
Skagafjörður er málið! Fór þangað í gríðarlega menningarreisu í gær með Hreiðari og Skara. Tilgangur reisunnar var að berja augum heimildamynd sem félagi Hreiðars gerði um dal einn í Skagafirði.. Mynd þessi var þvílík snilld.. Agalega gaman að svona hressum gömlum körlum eins og Stefáni sem var aðalkarakterinn í myndinni!
Eftir að Akureyri tók við okkur að nýju, var stefnan tekin rakleitt í Sjallann til að berja átrúnaðargoðið augum, Stefán nokkurn Hilmarsson... Úff segi ég nú bara!
Fór svo snemma heim, sofnaði í sófanum og fór svo upp í rúm.. Síminn minn hringdi stanslaust, en ég rumskaði ekki! Gaman að því!
Vinna kl 10 í morgun... Erfitt, mjööööög erfitt... :)
Frí á morgun... ója! Ætla að hjálpa Röggu eitthvað heima hjá henni! Hún samt veit það ekkert ennþá! En það er í lagi!
Heyrumst :)
Sirrý krotaði klukkan 15:04 af ástúð
+
+ +
laugardagur, desember 18, 2004
Já, skemmtun mikil var í gær og fór Páll Óskar mikinn!
Í kvöld er hins vegar aðal skemmtunin... Fyrsta ástin mín, sem ég elskaði við 5 ára aldur mun halda uppi fjörinu! Stebbi Hilmars, vúhú! Elska manninn sko!
Svo vil ég leiðrétta misskilning... Íbúðin í Sunnufelli 5, fyrstu hæð til vinstri er í eigu okkar Sigurgeirs SAMAN... Bara svo að það fari nú ekki á milli mála :)
Sigurgeir, þú rokkar ;)
Sirrý krotaði klukkan 14:31 af ástúð
+
+ +
föstudagur, desember 17, 2004
Uhuuuuuuuuuuu
*grát* Fékk ekki krúttkofaíbúðina *grát*
En það kemur eitthvað annað fallegt í staðinn!
Sirrý krotaði klukkan 08:14 af ástúð
+
+ +
fimmtudagur, desember 16, 2004
Fór og skoðaði íbúð í gær... Krúttlegasta íbúð sem ég hef séð á ævi minni! Ponsulítil stúdíóíbúð sem er rosalega flott samt. En hún er lítil! Og ég fæ svar í dag! Og EF ég fæ hana, get ég flutt strax inn!
Krossleggiði fingur fyrir mig, mig langar svo akkúrat í þessa íbúð! :)
Læt vita síðar í dag hvernig fer!!
*krossaputta*
Sirrý krotaði klukkan 10:41 af ástúð
+
+ +
miðvikudagur, desember 15, 2004
Í dag ætlaði Kolla að koma norður, en hún er svikari...
Ég held svei mér þá að ég hafi ekkert að segja! Hvað er það?!??
Og Abba, BUSTED! Farðu nú að læra og hættu að vafra á netinu... :)
Bless...
Sirrý krotaði klukkan 11:13 af ástúð
+
+ +
mánudagur, desember 13, 2004
Já, fréttir af Sigríði eru fáar...
Um helgina var gaman. Fórum á Kaffi Akureyri á föstudagskvöldið, agalega gaman þar að venju.
Svo á laugardagskvöldið fór ég á Amour. Gaman þar líka..
Var edrú alla helgina.. gaman.
Eitt að lokum... Þoli ekki þegar fólk getur ekki talað við mig ef það þarf að vita eitthvað um mig.. Bara gæti gargað... Spurning um að þroskast aðeins..
Bless í bili
Sirrý krotaði klukkan 20:01 af ástúð
+
+ +
laugardagur, desember 11, 2004
Akureyri...
Já, Sigríður er flutt til Akureyrar. Það er ekkert grín. Bý hjá Öbbu og Auði eins og er á meðan ég manna mig upp í að finna mér íbúð.. Það er nefnilega stærra skref en margir halda að flytja af þúfunni sem maður hefur búið á alla ævi! En þetta kemur!
Vinnuna flutti ég með mér, sem er stór kostur! Fyrir svona sveitalúða eins og mig hefði það verið alltof stórt stökk að skipta um vinnu líka!
En Akureyri fer vel með mig, og svo fer ég á Húsavík til mömmu um jólin! Reyndar var verið að bjóða mér að vinna aðfangadagskvöld, en ég er svo mikil jólamömmustelpa að ég efast um að ég geti það.. Samt eru svaka jól hér í vinnunni á aðfangadagskvöld, jólamatur og allt rosa jólalegt. Veit samt ekki hvort ég treysti mér í það. Nægar eru breytingarnar nú samt!
Svo um næstu helgi er stefnan sett á Sálarball í Sjallanum með Hreiðari! Það var allavega hugmyndin í gær, þegar ég ruddist inn á þau skötuhjú í Litluhlíðinni með kaffibrauð meðferðis! Ég verð nefnilega munaðarlaus vegna brottfarar Öbbu og Auðar, og Hreiðar er líka alltaf munaðarlaus þegar kemur að djamminu! Ragnhildur er nefnilega orðin svo gömul!! (Smá djók Ragga mín!!)
En seinnipartinn ætla ég að fara með Öbbu og passa Óliver Enok og Aron Ísak. Þeir eru svo endalaust miklir snillingar drengirnir! Fórum í mat til þeirra um daginn og ég gladdist þar mjög! Óliver Enok fannst ég fyrst eitthvað ógnvekjandi, en var á endanum farinn að vilja tala við mig! Og meira að segja bað hann mig að gefa sér vatn, og segja mér þeir sem þekkja til að það sé ekkert of algengt! Þannig að ég er kát!
Á morgun er svo matarboð hjá Röggu og Hreiðari! Brynjar Leó og Egill Ari verða eflaust þéttir á kantinum! Þar erum við að tala um aðra tvo snillinga! Og þegar Abba og Auður fara austur um jólin, þá verðum við Brynjar sko herbergisfélagar þar til ég fer til mömmu á Húsavík! Það verður nú endalaust frábært! Ég elska börn :)
Sirrý krotaði klukkan 11:08 af ástúð
+
+ +
miðvikudagur, desember 08, 2004
Tímabundið bloggleyfi.
Sirrý krotaði klukkan 09:37 af ástúð
+
+ +
föstudagur, desember 03, 2004
Góðan og blessaðan daginn..
Ég vaknaði kl. 5 og gat ekki sofnað aftur.. Er búin að hanga á netinu allan tímann.. Vildi ekki byja að skrapa af því að það framkallar hávaða.. Horfði svo á Ísland í bítið og vildi þar svo skemmtilega til að Jónsi söng til mín eins og eitt lag... Ef þið eruð forvitin hvaða laga er um að gera að smella sér inn á stod2.is og horfa á þáttinn!! Þetta var svona rétt fyrir hálf átta ef þið nennið ekki að horfa á hann allan..
Nenni ekki sð skrifa meira í bili...
Sirrý krotaði klukkan 08:41 af ástúð
+
+ +
fimmtudagur, desember 02, 2004
Gleymdi náttúrlega næsthæsta punkti gærdagsins, og ekki skil ég alveg hvernig!!!
Ég horfði á Fast and the Furious, og GUÐ MINN GÓÐUR!!!! Vin Diesel er bara sá fallegasti karlmaður sem ég hef séð... ÚFFFFFF PÚFFFFFF.... Horfði á hana með Steingrími, sem er einmitt myndarlegur líka, en hann fékk enga athygli.. Ef hann hefur talað, þá hef ég ekki tekið eftir því.. Ég bara starði dreymandi augum á sjónvarpið og andvarpaði annað slagið..
Ef einhver er ekki búinn að ákveða hvað hann ætlar að gefa mér í jólagjöf, þá má það vinsamlegast vera Vin Diesel, allsnakinn með rauða slaufu um dæmið þarna niðri!
Sirrý krotaði klukkan 10:53 af ástúð
+
+ +
Hvað þarf lítið til að gleðja mitt litla hjarta?? Ég varð svo glöð í hjartanu í gær þegar ég fattaði að 1. des var runninn upp.. Ekki það að hann sé eitthvað merkilegur í mínum augum, þetta er náttúrulega fullveldisdagurinn, en fyrir mér er merkilegra að þá byrjar jóladagatalið!!! Og þá er ég ekki að tala um eitthvað danskt prump jóladagatal á stöð 2 heldur alvöru dæmið í ríkissjónvarpinu..! Á BAÐKARI TIL BETLEHEM!!!
Ég var samt næstum því búin að missa af því í gær, og var komin með ofurhjartslátt af spennu og kvíða vegna þess. Ég ákvað um hálf 7 að skella mér í sjoppuna.. Legg fyrir framan söluskálann og hleyp inn.. Kem út aftur, orðin þokkalega stressuð yfir dagatalinu, ætla að reka bílinn í gang en... HANN VAR BENSÍNLAUS!!!
Nú voru góð ráð dýr.. Ég tók á sprettinn inn í hraðbúðina og galaði á Kollu mína: "Ég er bensínlaus og er að missa af jóladagatalinu!!!!!" Kolla hafði snör handtök, greip brúsa og fyllti hann með hraði... Hljóp svo, smellti bensíninu á og ég brunaði í burtu... Rétt náði dagatalinu...
Og þetta dagatal er svo mikil snilllllllld! Mér finnst alltaf svo æðislegt að sjá fullorðið fólk leika börn, en þó vera svo afskaplega sannfærandi! Og ekki endaði þetta neitt lítið spennandi í gær úff! Þau hurfu inn um dyrnar hjá Dagbjörtu og þá var þátturinn búinn. Ætli Dagbjört sé engill?? Ætli hún geti komið krökkunum til Betlehem með jólagjafirnar handa Jesúbarninu?? Mikið rosalega er ég orðin agalega spennt...
Get ekki skrifað meira fyrir spennu...
Sirrý krotaði klukkan 08:11 af ástúð
+
+ +
