þriðjudagur, ágúst 31, 2004
Gott kvöld...
Mér leiðist hérna heima og er að hanga í tölvunni. Ákvað að ég bara þyrfti að blogga, en ég hef svosem ekkert að blogga um. Þess vegna verður þessi færsla svona Sveppa-Svínasúpulegt!!
Vaknaði snemma, en ég man ekki út af hverju. Dreymdi ógeðslega fyndið, en ég man ekki hvað það var. Geðveikt fyndið. Blogga seinna...
Nei nei, hef samt ekkert að segja svosem, Kolla er í heimsókn, Kolla er að fara til útlanda og ég veit nú hreinlega ekki hvernig í ósköpunum ég á að lifa það af... Kannski ég fari bara að fara í heimsóknir til þessa milljón ættingja minna sem ég á hérna út um allan Fellabæ. Er t.d. ekki búin að heimsækja Grétu og fjölskyldu í nýja húsið.. Verð að drífa í því... Vona bara að sundlaugin verði tilbúin!! Svo er Inga líka að flytja, en ég er búin að kíkja á það hús... Það er töluvert fallegt!! En annað kvöld er ég að fara að hjálpa til við að þrífa Lágafellið og taka mér minn tíma í að kveðja.. Það verður nú ekkert lítið skrýtið að geta ekki farið í Lágafellið svona þegar manni dettur það í hug... Greinilega þarf ég að fara að kynnast Jóni Bjarka svo ég geti kíkt á þetta annað slagið... Nei annars, nenni því ekki!
En núna ætla ég að fara að skríða í rúmið, nenni því samt ekki en ætla að gera það samt.. Ætla a gera heiðarlega tilraun til að vakna fyrir hádegi! Þó svo að ég þurfi þess nú ekki ÞAR SEM ÉG ER KOMIN Í 5 DAGA FRÍÍÍÍÍÍÍÍ!!!!!!!!! En ég þarf að fara að versla, og það er gaman...
En nóg komið af tilgangsleysi!! L8ter :)
Sirrý krotaði klukkan 23:07 af ástúð
+
+ +
Góðan daginn...
Er í vinnunni, geggjað stuð! Búið að vera hundleiðinlegt veður síðan í gær.. Rok frá helvíti, og rok er eitthvað sem ég HATA! Algjörlega óþolandi..
En gleðin er við völd því að klukkan 5 í dag er ég komin í 5 daga frí!! Hvað er það gleðilegt??! Hef reyndar í nógu að snúast þar sem Aðalsteinn bróðir er fluttur til okkar og með honum kom ansi mikið af óhreinum þvotti.. En ég er svosem ekki nokkra stund að því! Það er það eina sem er hægt að nota þetta helvítis rok í!
En ég ætla líka að reyna að gera eitthvað gleðilegt, kannski leika smá við Steina Randver, fara í skólann á fimmtudaginn og halda Tupperwarekynningu heima hjá Helenu..
En ég setti inn nokkrar myndir í gær, bara eitthvað sem var tekið á laugardagskvöldið!
Ætla að fara að vinna, heyri í ykkur siðar! :)
P.S. Það er hér á síðunni eitthvað sem heitir gestabók og kommentakerfi! Kom fullt af fólki á síðuna í gær en bara einn kvittaði... :(
Sirrý krotaði klukkan 08:00 af ástúð
+
+ +
mánudagur, ágúst 30, 2004
Steini beini!!
Kolllllllaaaaaaaaaa!!!
MATUR!!
Ég ;)
Meiri matur...!
Benni í stuði!
Sirrý krotaði klukkan 19:10 af ástúð
+
+ +
sunnudagur, ágúst 29, 2004
Við erum að tala um ball aldarinnar..
Geirmundur var þessi líka þvílíka SNILLD! Aldrei á ævi minni hef ég skemmt mér betur á nokkrum dansleik! Troðið út úr dyrum, fyrir utan dyrnar og bara út um allt! Ég held ekki vatni yfir þessu!
Sniiiiiiilld!!
Er í vinnunni, hrikalega spræk! Enginn óhressleiki á þessum bænum!
Geirmundur ROKKAR!!!
Sirrý krotaði klukkan 12:03 af ástúð
+
+ +
laugardagur, ágúst 28, 2004
Í dag er dagurinn.
Í dag er Skjöldólfsstaðaball.
Í dag er ég glöð.
Í dag mun ég fá í magann af eftirvæntingu.
Á morgun mun ég vera lasin.
Á morgun mun ég mæta í vinnuna kl 12.
Á morgun mun vera erfiður dagur í vinnunni.
Á morgun verð ég tilbúin að deyja.
Á morgun mun ég vera sátt með lífið :)
LÍFIÐ ER YNDISLEGT!
Sirrý krotaði klukkan 13:51 af ástúð
+
+ +
föstudagur, ágúst 27, 2004
Á morgun gerast hlutirnir.....
Sirrý krotaði klukkan 08:19 af ástúð
+
+ +
fimmtudagur, ágúst 26, 2004
Hversu heimskur er hægt að vera????
Sirrý krotaði klukkan 09:58 af ástúð
+
+ +
Cocktail
?? Which Alcoholic Drink Are You ??
brought to you by Quizilla
Sirrý krotaði klukkan 09:05 af ástúð
+
+ +
miðvikudagur, ágúst 25, 2004
Til umhugsunar fyrir okkur rugludallana...
Sirrý krotaði klukkan 14:30 af ástúð
+
+ +
Spennan magnast....
Skjöldólfsstaðaball er á laugardaginn. *GÆSAHÚÐ* Það eru 3 dagar. 4 dagar ef dagurinn í dag er talinn með. Sem ég vil ekki gera. Þá er of langt. Ég sé Geirmund í hillingum, spilandi á hljómborðið og syngja.. *GÆSAHÚÐ*
Við skólahliðið ég stundum stóð
er stúlka lítil hljóp til mín móð
Og andlit mitt var þá allt sem blóð
er hún kallaði, er hún kallaði á eftir mér
Bíddu við, bíddu við, bíddu vinur eftir mér
Æ lofaðu mér að labba heim méð þér
Ég skal vera svo væn ef þú vilt í þetta sinn
ég er svo hrifin af þér elsku Nonni minn
Og árin liðu, við urðum stór
ég út í heiminn á skipi fór
Og hugur minn var þá hress og rór
er hún kallaði, er hún kallaði á eftir mér
Víst ég vil, víst ég vil, og ég skal bíða eftir þér
Og góði besti, gleymdu ekki mér
Ég verð þér trygg og trú, það fór tár um hennar kinn
ég elska mun þig alltaf Nonni minn
En hún beið ekki eftir mér
í einverunni hún gleymdi sér
En minning' um það í barmi ég ber
er hún kallaði, er hún kallaði á eftir mér
Bíddu við, bíddu við, bíddu vinur eftir mér
Æ lofaðu mér að labba heim méð þér
Ég skal vera svo væn ef þú vilt í þetta sinn
ég er svo hrifin af þér elsku Nonni minn!!
*GÆSAHÚÐ*Og núna langar mig að gráta úr spennu!*GÆSAHÚÐ*
GEIRMUNDUR RULES!!!
Sirrý krotaði klukkan 10:34 af ástúð
+
+ +
fimmtudagur, ágúst 12, 2004
Í dag er mér eitt sérstaklega hugleikið og það er umferðin.
Í morgun labbaði ég í vinnuna. Yfir nesið. Það er stórhættulegt. 25 sinnum óttaðist ég um líf mitt. Yfirleitt voru það útlendingar. Ekki alltaf samt. Er flókið að keyra á löglegum hraða? Er flókið að hægja á sér þegar maður sér gangandi vegfaranda? Næst ætla ég að einfalda þetta mikið og henda mér fram af brúnni.
En að öðru, fyrsta Tupperware kynningin mín var í gær. Var ég kannski ekkert búin að minnast á það að ég er orðin kynningaraðili? Allavega, fyrsta kynning í gær og tókst hún bara nokkuð vel. Auglýsi ég hér með eftir áhugasömu fólki sem langar að kynnast þessari snilldar vöru með því að leyfa mér að kynna hana fyrir sér og sínum. Hringiði bara í mig og bókið kynningu ;)
Sirrý krotaði klukkan 13:02 af ástúð
+
+ +
miðvikudagur, ágúst 11, 2004
Sól sól sól sól....
Hiti hiti hiti hiti....
Það er ekkert grín að veðrið er sjúklegt. SJÚKLEGT! En auðvitað þarf að fylgja böggull skammrifi.. FLUGUR SATANS! Ákvað í tilefni dagsins að mæta í pilsi og hælaháum skóm í vinnuna. Sem er reyndar bara gott út af því að annars væri ég köfnuð. En já, eitthvað hefði ég átt að endurskoða hælana, vegna þess að þeir eru ekki beint gerðir til þess að hlaupa mikið á. Og þar af leiðandi get ég engan veginn hlaupið undan FLUGUM SATANS! Sat í makindum mínum í sólbaði ímatartímanum mínum, en var frá að hverfa vegna FLUGNA SATANS! ÉG hata flugur.
Reyndar ætti ég ekki að gera neitt annað en að sitja úti í sólinni og safna brúnum lit, þar sem að ég er svo hvít að ég er nánast sjálflýsandi. Held ég kaupi mér ljósakort.
En jæja, bið að heilsa... ætla að fara að kafna úr hita.
Sirrý krotaði klukkan 11:45 af ástúð
+
+ +
Sæl..
Tölvan er komin í lag! Takk fyrir það Eiríkur Þorri!
Annars er ekkert að frétta, rita síðar! :)
Sirrý krotaði klukkan 08:19 af ástúð
+
+ +
föstudagur, ágúst 06, 2004
Kominn tími á örfá orð...
Svíf ennþá um á sæluskíi eftir helgina.. Og skíið er svo þykkt að ég hef ákveðið að hér verði ekki staðar numið, heldur haldið á menningarnótt í borginni! Ég og Abba ákváðum það, að vestfirðir væru ekki nægilega spennandi að þessu sinni!
En annars er lítið að frétta af mér og mínum.. Vinnan tekin við eftir sumarfrí, sem er ágætt. Og sumarið er búið. Þó að það sé gott veður þessa dagana þá er það samt búið!
En aftur að menningarnótt. Hvernig ætli þetta verði? Ég, saklausa sveitastelpan ofan af Jökuldal, mun ég ekki fá algjört menningarsjokk? 100.000 manns í bænum.. Það er mikið. Spurning um að halda sig á "crowded places" og hanga á söfnum bæjarins þar til að þessu kemur... Hver veit??
En hvar finn ég "crowded places" hér á svæðinu???
Sirrý krotaði klukkan 08:14 af ástúð
+
+ +
þriðjudagur, ágúst 03, 2004
Jæja, þá er sælan búin..
Mætt í vinnuna eftir sumarfríið ógurlega! Verslunarmanahelgin búin, sem þýðir ekkert nema bara það að sumarið er búið. Þetta er semsagt bara búið!
En helgin var annars ansi mikil snilld! Skjöldólfsstaðaball var það heillin á laugardagskvöldið og var það þvílík argandi snillld! Dúkkulísurnar fóru á kostum og ekki var Danshljómsveit Eyþórs síðri! Skjöldólfsstaðaböll eru því vonandi komin til að vera að nýju...!
En á sunnudaginn var aldeilis tekið á því. SKyndihugdetta varð til þess að við enduðum á Akureyri. Ég sjálf, Sigurgeir, Benni, Júlía mín og Þröstur vorum keik og lögðum í hann seinnipartinn. Júlía mín var ökumaðurinn og var sjálfrennireiðin staðin allan tímann til að Júlía mín gæti nú vökvað sig! Stefnan var tekin beint til Öbbu og Auðar þar sem allir heimsins snillingar voru samankomnir á einum stað. Frosti var keikur, Dóri var þreyttur, Stessi var fullur (eins og reyndar allir aðrir!!!), og allir hinir voru nettir á kantinum.. Gleði kvöldsins náði þó hámarki þegar Steingrímur Randver mætti á svæðið. Langt síðan maður hefur hitt kallinn, og hefur hann sem betur fer ekkert breyst. Sérstök ánægja að hitta kallinn!
Eftir sérdeilis fjölmennt partý á Reynivöllunum var stefnan tekin á Sjallann sjálfan. Þar var nú aldeilis fjölmenni. Hitinn var óbærilegur, sem var svosem ekkert sem maður bjóst ekki við. Paparnir fóru gjörsamlega á kostum, sem var annað sem maður bjóst alveg við!
Eftir dansleikinn, löbbuðum við Sigurgeir keik heim í Reynivellina til Öbbu og Auðar. Tók heimferðin nú töluvert lengri tíma en áætlað var, þar sem konan sjálf var ekki alveg að rata, ekki svona til að byrja með allavega. Tók ranga beygju, sem orsakaði að ég vissi ekki meir hvar ég var stödd. Sem var bara fyndið, þar sem Sigurgeir var orðinn frekar þreyttur og var ekkert alveg að fíla þetta. En heim komumst við á endanum. Þar var okkur úthlutað vindsæng sem við sváfum spök á. Eða, Sigurgeir var þreyttur og fór að sofa, ég var hins vegar ekkert á þeim buxunum að fara að sofa! En þar sem ég var algjörlega ein um það, þá eyddi ég svona 2 tímum í að halda Öbbu vakandi, við mikinn fögnuð hennar sjálfrar! En eftir þessa 2 tíma var það eiginlega alveg hætt að vera fyndið svo ég fór að sofa.
Dagurinn var tekinn þokkalega snemma daginn eftir. Herlið var gert út til að kaupa í matinn og fara að blása hjá löggunni, og svo var Steini settur í stöðu grillmeistara. Sem heppnaðist svona þrusuvel, allavega kvartaði enginn!
Eftir snilldar helgi var stefnan tekin heim seinnipartinn. Var tekið stopp í "Velcome to the Jarðböð" og svo keyrt í einum spreng heim. Einhverjir voru þó ekki aldeilis búnir að sitja nógu lengi í bíl, svo konan ákvað að keyra þeim í nokkra hringi. Fór svo heim og sofnaði vært, tilbúin til að mæta í vinnuna mína skemmtilegu og góðu.
Þangað er ég semsagt komin núna, og mun verða til 4.
That's all 4 now folks...
Sirrý krotaði klukkan 08:03 af ástúð
+
+ +
