föstudagur, apríl 30, 2004
Já... myndin að neðan er af henni Guðrúnu litlu systur minni.. Fannst þessi mynd svo dúlluleg að ég varð að setja hana inn...!
Sirrý krotaði klukkan 12:15 af ástúð
+
+ +
Hei...
Vil þakka öllum sem hafa tekið þátt í prófinu um mig! Inga María, Tarfurinn, Guðrún og Pabbi hafa öll svarað 100% rétt! Það er sko magnað... Ánægðust með pabba samt, vissi ekki að hann hefði tíma fyrir svona lagað! Og ekki skemmdi fyrir að hann skyldi fá 100% Almennilegt þetta...!
Annars er ekkert að frétta svosem, ég er í vinnunni, búin kl. 16.00 og þá er ég komin í helgarfrí! Gaman að því! Verður helginni eytt í að læra undir prófin sem byrja á mánudaginn... Riðið á vaðið með minni sterkustu grein, Stærðfræði! hehe.. (töluverð kaldhæðni í þessu) En ég hef óbilandi trú á mér, en þó sérstaklega á Helenu sem ætlar að læra með mér... Vonandi fer hún ekki yfirum við að reyna að berja þetta inn í hausinn á mér..! Abba var svona á mörkunum fyrir samræmdu prófin hér um árið! En þetta reddast!
Er farin að mökka, heyrumst..
Sirrý krotaði klukkan 09:01 af ástúð
+
+ +
miðvikudagur, apríl 28, 2004
Nýr bloggari..... Tarfurinn er mættur á svæðið!
Sirrý krotaði klukkan 18:09 af ástúð
+
+ +
Taktu prófið um Sigríði "djúníor"
Sirrý krotaði klukkan 14:23 af ástúð
+
+ +
mánudagur, apríl 26, 2004
Heheheehe..
Ég er montrassgat og er stolt af því! Ég labbaði í vinnuna.. AFTUR!! hehehhehe... Ég var 20 mín. að því og það var gaman..! Á meðan á göngunni stóð hlustaði ég á Lögreglumál á FM 95.7. Þeir fóru á kostum í þeim þætti eins og venjulega með sinn sérstæða húmor.. Hringdu meðal annars í meindýraeyði á Ísafirði sem er jafnframt leigubílstjóri.. Maðurinn hafði lent í vandræðum með drukkna menn í bíl sínum í Óshlíðinni (fyrir þá sem ekki vita er Óshlíðin á leiðinni milli Ísafjarðar og Bolungarvikur) og DV slegið því upp sem stórfrétt á síðum sínum.. Þetta þótti þeim félögum afar sérstakt atvik, og ekki stætt á öðru en að hafa samband við manninn... Hann vildi reyndar lítið tjá sig um málið, en þetta var samt afar fyndið hjá þeim..
En núna rétt í þessu var ég að tala við Steina R. Hann hringdi í 118 og lenti á mér... Líkurnar píkurnar...
En er farin að mökka eins og þeir segja á góðri íslensku..
Síðar..
Sirrý krotaði klukkan 09:48 af ástúð
+
+ +
laugardagur, apríl 24, 2004
SATAAAAAAAAAN
Það er verið að lakka hérna niðri, og lakkið er ekki að gera góða hluti hjá mér... Ég tala eins og nefið hafi verið fjarlægt og er komin með dúndrandi hausverk.. Og svo finn ég ekki símaskrána...
Sirrý krotaði klukkan 12:37 af ástúð
+
+ +
Hæ...
Ég er dugleg, ég labbaði í vinnuna...
Sirrý krotaði klukkan 12:06 af ástúð
+
+ +
föstudagur, apríl 23, 2004
Gleðilegt sumar...
Haldiði ekki að ég hafi gleymt að setja skálina út á svalir seinasta vetrardag... Hræðileg yfirsjón :( Núna veit ég ekkert hvernig sumarið verður... Þetta er hræðilegt..
Annars er einhver mánudagur í mér, finnst engan veginn eins og það sé föstudagur. Finnst einhvern veginn hálf ruglingslegt að vera að skella inn svona frídegi í miðri viku.. Af hverju er sumardagurinn fyrsti ekki færður fram á föstudag og búin til löng helgi? Það er hvort sem er ekki eins og það sé komið eitthvað sumar! Ekki mikill skaði skeður að hafa veturinn einum degi lengur. Og talandi um þetta þá finnst mér þessi dagur eiginlega bara asnalegur. Til hvers að halda upp á fyrsta dag sumars? Og það löngu áður en sumarið kemur?? Hef aldrei almennilega skilið þetta! En það er náttúrulega staðreynd að Íslendingar eru sér á báti í sambandi við alla þessa frídaga sína.. Ég meina, annar í jólum??? Annar í páskum?? Til hvers? Og þá komum við að verslunarmannahelginni.. Frídagur VERSLUNARMANNA og það er hægt að telja á fingrum annarar handar hversu margir verslunarmenn eru í fríi þennan dag.. Legg til að þessi dagur verði gerður heilagur í lögum og engar búðir verði opnar..
Sigríður kveður, alveg ringluð yfir þessu rugli...
Sirrý krotaði klukkan 13:32 af ástúð
+
+ +
miðvikudagur, apríl 21, 2004
Ég var næstum búin að gleyma að ég ætlaði að segja snilldar klósettsöguna!
Þannig er mál með vexti að klósettið heima hjá mér er ekki alveg að virka.. Það þarf að notast við fötu til að sturta niður sem getur verið afar þreytandi. Í gær rak ég augun í klósett sem átti að henda úr pósthúsinu, sem var í fullkomnu lagi og tiltölulega nýlegt. Ég gerðist svo djörf að falast eftir því og var það auðsótt mál. Þegar hér er komið til sögu var klósettið komið út í gám en ég mátti alveg sækja það bara.. Þar sem ég var nú ekki alveg að treysta mér til að bera klósettið þessa 4 metra leið til baka, fékk ég iðnaðarmennina til að kippa því fyrir mig og var það auðsótt mál.. Fer ég þá upp og bíð þar til vinnandi mennirnir höfðu tíma til að snúast með klósettið fyrir mig.. Sé ég svo út um gluggann hvar þeir eru að gera sig líklega til að snara hægðaskálinni af stað, svo ég þýt niður til að taka á móti henni. Glöð í bragði stekk ég út um dyrnar, hugsandi með mér að það verði alveg sérlega ljúft að hægja sér á nýja klósettinu síðar um daginn... Kem út og sé þá hvar iðnaðarmaðurinn missir klósettið á stéttina þar sem það brotnar í þúsund mola... Ekki sérleg gleði með þetta, en þó verður þetta að teljast atvik gærdagsins!!
Takkfyrirtakk,
Sigríður hægðatregða...
Sirrý krotaði klukkan 18:59 af ástúð
+
+ +
Ég er í vinnunni...
Ég nenni ekki að vera í vinnunni...
Mig langar heim...
Ekki að það sé leiðinlegt í vinnunni...
Ég er bara löt í dag...
En ég er í fríi á morgun...
Af því að það er sumardagurinn fyrsti á morgun...
Sem þýðir að í dag er síðasti vetrardagur...
Ég má ekki gleyma að setja út vatn í skál áður en ég fer að sofa...
Og vona að vatnið frjósi...
Sem maður gerir til að sjá hvort vetur og sumar frýs saman...
Ef það gerist, þá verður gott sumar...
Eins gott að það verði gott sumar...
Nenni ekki að hafa vont sumar...
Nenni ekki að blogga meira...
Blogga þú Ragnhildur Ben...
Bless...
Sirrý krotaði klukkan 15:21 af ástúð
+
+ +
þriðjudagur, apríl 20, 2004
Mér datt í hug einn enn sem ætti að fara að blogga, og það er hin Ragnhildur stórfrænka mín...Hún getur sko aldeilis sagt okkur sitthvað sniðugt, það er viss um.. Ragnhildur Aðalsteinsdóttir, ég mana þig!!
Sirrý krotaði klukkan 13:36 af ástúð
+
+ +
Og allt er nú fréttamatur nú til dags... Og hvað er með þessa heimsku gæru?? Hef ekki mikla trú á þessu, og ef svo er, þá finnst mér þetta ekki vera allra þessara peninga virði...
Sirrý krotaði klukkan 11:59 af ástúð
+
+ +
Mikið er nú bara gott að vera lítill.... Miðað við þetta allavega!
Sirrý krotaði klukkan 11:48 af ástúð
+
+ +
Var að setja linkana í stafrófsröð... ótrúlegur dugnaður... Svo er ég hérna með smá orðsendingu til allra þeirra sem eru með síðu hjá folk.is. Þessir músabendlar sem allir virðast vera með eru alls ekkert að virka.. Þeir fara afskaplega illa í margar tölvur, sem orsakar að þær slökkva á sér. Þetta er afskaplega hvimleitt. Ef ykkur langar að vera alveg ótrúlega indæl og frábær, þá megiði endilega hafa bendilinn venjulegan..
Abba og Fanney eru snillingar, af því að þær eru með venjulega bendla.. Langar mig að þakka þeim fyrir að ég held ennþá sönsum... Eitthvað verð ég nú að gera í vinnunni!
Svo auglýsi ég eftir Grétu frænku minni hér á þessari síðu?? Ég ætla að vona að hún hafi ekki pakkað sér ofan í einhvern kassann og verið sett í gáminn!!!?!?? Og Gréta mín, nú er komið að þér að byrja að blogga, Ragnhildur er byrjuð...
Sirrý krotaði klukkan 11:03 af ástúð
+
+ +
Ragnhildur Ben. er loksins farin að blogga... Kíkið á konuna, alveg pottþétt eitthvað sniðugt hjá henni..
Sirrý krotaði klukkan 08:22 af ástúð
+
+ +
mánudagur, apríl 19, 2004
Sæl öll sömul.
Langar að byrja á að þakka öllum þeim fjölmörgu sem skoðuðu síðuna mína síðustu daga. Alltaf gaman að fá svona viðbrögð :)
Annars er það helst í fréttum að ég fór á alveg hreint þrusu Héraðsverks hátíð á laugardagskvöldið. Sneisafullt út úr dyrum í Valaskjálf, allir sem vegagerð tengjast á héraði voru mættir og maturinn var alveg hreint frábær. Það er langt síðan ég hef borðað svona góðan mat. Svo var dansleikur á eftir sem var alveg hreint frábær.. Þetta kvöld var semsagt til fyrirmyndar í alla staði.. Takk fyrir mig Héraðsverk :)
Núna er ég í vinnunni, mætt hér galvösk á mánudagsmorgni með Ragnhildi eðalfrænku mína mér við hlið.. Og núna ætla ég frekar að fara að slúðra við hana heldur en að pikka hér eins og óð kona..
Sirrý krotaði klukkan 08:27 af ástúð
+
+ +
laugardagur, apríl 17, 2004
Ég er svo bitur að ég á bágt með að tjá mig... Þið þarna úti, sem haldið að ölvunarakstur ykkar komi engum við nema ykkur, skoðiði þetta og segið mér svo hvort þið eruð enn sama sinnis. Ég þoli ekki fólk sem veit ekki neitt. Og ég ítreka það enn og aftur, ef ég hef um það minnsta grun að þú sért að aka undir áhrifum áfengis, verður lögreglan látin vita. Sama hvort þú ert mér nákominn eður ei, mér gæti ekki verið meira skítsama. Fólk sem gerir svona það á ekki skilið að hafa bílpróf. Með réttu ætti að hirða það af þeim fyrir lífstíð.
Sirrý krotaði klukkan 10:06 af ástúð
+
+ +
fimmtudagur, apríl 15, 2004
"úff mér fanst þetti saga rosalega sorglega, kannski
frekar gömul en alltaf við hæfi til að minna á hvað
dauðinn er nálægur okkur og þess vegna mikilvægt að
elska þá sem er næst þér
Kannski svoldið væmið veit ekki:)
þetta getur skeð fyrir okkar fjölskyldu...
................Síðasta dag fyrir jól flýtti ég mér í stórmarkaðinn til að kaupa gjafirnar sem ég komst ekki yfir að kaupa fyrr. Þegar ég sá allt fólkið þar, byrjaði ég að kvarta í hljóði "Þetta á eftir að taka heila eilífð og ég á enn eftir að fara á svo marga staði". Jólin eru alltaf að verða meira og meira pirrandi með hverju árinu. Ég vildi að ég gæti bara lagst niður og farið að
sofa og vaknað svo eftir jólin. Allavega, ég kom mér í leikfangadeildina og
þar fór ég að skoða verðin, hugsandi hvort að börn leiki sér eitthvað með
svona dýr leikföng. Eftir smá tíma af leikfangaskoði þá tók ég eftir litlum
strák um 5 ára, sem hélt á dúkku upp við brjóstið sitt. Hann strauk hárið á
dúkkuni og virtist svo sorgmæddur. Svo snéri litli strákurinn sér að eldri
konu sem var við hliðina á honum "amma, ertu viss um að ég hafi ekki nógu
mikla peninga?" Gamla konan svaraði "þú veist að þú átt ekki nóg til að
kaupa dúkkuna elskan mín" Svo bað hún hann um að bíða í 5 mínútur eftir sér á meðan hún skoðaði sig um. Hún fór fljótlega. Litli strákurinn hélt ennþá á dúkkunni í hendinni. Ég labbaði til hans og spurði hann hverjum hann ætlaði að gefa dúkkuna. "Þetta er dúkkan sem systir mín elskaði mest og langaði svo mikið í fyrir jólin. Hún var svo viss um að jólasveinninn myndi
gefa sér hana. Ég sagði honum að kannski ætti jólasveinninn eftir að koma
með dúkkuna til hennar og að hann þyrfti ekki að hafa áhyggjur. En hann
sagði við mig sorgmæddur "Nei jólasveinninn getur ekki gefið henni dúkkuna
þar sem hún er núna. Ég verð að gefa mömmu dúkkuna svo að hún geti gefið henni hana þegar hún fer þangað". Augun hans voru svo sorgmædd meðan hann sagði þetta. "Systir mín er farin til þess að vera með Guði. Pabbi segir að mamma sé líka að fara til Guðs mjög fljótlega, og ég hélt að hún gæti farið með dúkkuna fyri mig og gefið systur minni hana". Hjartað mitt stoppaði næstum því. Litli strákurinn leit upp til mín og sagði " Ég sagði pabba að segja mömmu að fara ekki alveg strax. Ég bað hann um að bíða þangað til að ég kæmi heim úr búðinni" Svo sýndi hann mér fallega mynd af honum þar sem hann var hlægjandi. "Ég vil líka að mamma taki þessa
mynd með sér svo að hún gleymi mér aldrei" "Ég elska mömmu mína og ég
vildi óska að hún þyrfti ekki að fara, en pabbi segir að hún verði að fara til
að vera hjá litlu systur minni". Svo leit hann aftur á dúkkuna með
sorgmæddum augum, mjög hljóðlátur. Ég teigði mig hljóðlega í veskið mitt og tók smá pening upp og sagði við strákinn "en ef við athugum aftur í vasan til að tékka hvort að þú eigir nógan pening?" Allt í lagi sagði strákurinn "ég vona að ég eigi nóg" Ég bætti smá af mínum peningum við án þess að hann tæki eftir því og við byrjuðum að telja. Það var nógur peningur fyrir dúkkunni, og meira að segja smá afgangur. Litli strákurinn sagði "Takk Guð fyrir að gefa mér nógan pening. Svo leit hann á mig og sagði " Í gær
áður en ég fór að sofa þá bað ég Guð um að vera viss um að ég hafi nógan
pening til þess að geta keypt dúkkuna handa systur minni. Hann heyrði til mín" "Mig langaði líka að eiga nógan pening til að kaupa hvíta rós handa mömmu, en ég þorði ekki að biðja Guð um of mikið, en hann gaf mér nóg til að kaupa rósina líka". Sko mamma elskar hvíta rós". Nokkrum mínútum seinna kom gamla konan og sótti strákinn. Ég kláraði að versla með allt öðru hugarfari, ég gat ekki hætt að hugsa um litla strákinn. Svo mundi ég eftir frétt í blaðinu fyrir 2 dögum síðan "maður keyrði drukkinn og klessti á bíl þar sem ung kona og lítil stelpa voru í. Litla stelpan dó samstundis en mamman var í dái" Fjölskyldan varð að ákveða hvort að það ætti að setja hana í öndunarvél eða ekki, af því að hún unga konan myndi ekki vakna úr dáinu. Var þetta fjölskylda litla stráksins? Tveim dögum eftir að ég hitti litla
strákinn, las ég í blaðinu að unga konan hafi dáið. Ég gat ekki hamið mig og fór út í blómabúð og keypti búnt af hvítum rósum og fór upp í líkhús þar
sem fólk gat séð konuna og og óskað sér í seinasta skipti áður en hún væri
jörðuð. Hún var þarna í kjól, haldandi á fallegri hvítri rós með myndini af
litla stráknum og dúkkuna á brjóstinu. Ég fór grátandi og fannst líf
mitt hafa breyst til eilífðar. Ástin sem þessi litli strákur hafði til
mömmu sinnar og systur, er enn þann dag í dag, erfitt að ímynda sér.
Og í einni svipan tekur drukkinn maður þetta allt frá honum. "
Ég grét þegar ég las þetta. Þetta er ekki grín.. Og svo finnst hrokafullum Íslendingum allt í lagi að keyra fullir.. Djöfull er mannkynið heimskt. Og annað skal ég segja ykkur, ef ég sé eitthvert ykkar keyra undir áhrifum, eða hef um það minnsta grun, hringi ég hiklaust á laganna verði. Ég hef gert það áður og mun gera það aftur. Án þess að hugsa mig tvisvar um.
Sirrý krotaði klukkan 16:05 af ástúð
+
+ +
Jæja, best að rita eitthvað...
Er í vinnunni.. Fékk skemmtilegar fréttir þegar ég kom til vinnu. Vorum að fá út úr árangurskönnun hjá Símanum. Þar kom í ljós að við erum að standa okkur svona líka þrusu vel svo að við hjá upplýsingaveitum fáum gefins einn frídag á launum... En hvað ég er að verða alltaf meira og meira ástfangin af þessu fyrirtæki.. Svona á þetta að vera.. Ef maður stendur sig vel þá finnur maður virkilega fyrir því.. Mikið rosalega á maður gott að vera að vinna hjá svona massa fyrirtæki.. Kærar þakkir Síminn :)
En að öðru, börnin eru farin, sem er ekkert skemmtilegt.. Er farin að telja dagana í næstu heimsókn :)
Er í vinnunni núna, nenni ekki að skrifa meira..
Sirrý krotaði klukkan 15:38 af ástúð
+
+ +
laugardagur, apríl 10, 2004
Heil og sæl..
Guð almáttugur var að hneykslast á því um daginn hve margir á jörðinni hefðu haldið framhjá, svo hann ákvað að senda þakkarbréf til allra sem hefðu ekki stundað þennan ósóma. Og nú er spurningin, hvað stóð í bréfinu? Vinsamlegast svariði sem flest í kommentin... Takk fyrir takk..
Sirrý krotaði klukkan 14:26 af ástúð
+
+ +
Góðan daginn allir og gleðilega páska!
Fyrirgefiði bloggletina, er bara ekki búin að hafa tíma. Börnin eru hjá okkur ennþá, ekkert smá yndislegt! Við erum búin að hafa það ekkert smá gott síðustu daga. Verst að Sigurgeir er að vinna svo mikið að hann er búinn að hitta þau lítið.. En það er allur tími nýttur til samverustunda sem til falla :)
Fór í Æðruleysismessu í gærkvöldi eins og ég geri alltaf á föstudaginn langa. Alltaf jafn æðislega gaman að fara, vildi óska þess að maður drattaðist til að fara aðeins oftar í kirkju.. Alveg ótrúlegt.
Í dag eru börnin að fara til ömmu sinnar í Tjarnalöndum og gista þar í nótt. Það er nefnilega órjúfanlegur hluti af páskunum hjá þeim að fara í páskaeggjaleit þar á páskadagsmorgun, og að sjálfsögðu heldur maður því! Þó svo að okkur langi ekkert sérstaklega til að þau fari frá okkur yfir nótt af því að þetta er svo ofboðslega stuttur tími sem þau eru hérna hjá okkur. En maður verður nú að hætta að hugsa bara um sjálfan sig!
Í gær fórum við í söluskálann og leigðum okkur vídeóspólu.. Spy Kids 3d varð fyrir valinu.. Og með henni fylgja þrívíddargleraugu!! Ég gekk í barndóm og var ekkert smá spennt yfir þessu! Reyndar skilar hún sér ekkert alltof vel svona í gegnum sjónvarp, en þetta var sérstakt! Gaman að því!
En ætla að hætta að bulla, Later..
Sirrý krotaði klukkan 09:22 af ástúð
+
+ +
þriðjudagur, apríl 06, 2004
Kaupfélag Héraðsbúa virðist vera að spara... Jólatréð stendur enn uppi fyrir framan Samkaup! Ætli þeir ætli að nota það aftur að ári??
Sirrý krotaði klukkan 13:20 af ástúð
+
+ +
mánudagur, apríl 05, 2004
Birt samkvæmt ósk höfunda:
ÁSKORUN TIL STJÓRNVALDA.
Þetta bréf er ritað vegna nýlegs dóms í Héraðsdómi Reykjavíkur þar sem annar af Skeljagrandabræðrunum var leystur úr haldi eftir að hafa nærri gengið frá 16. ára unglingi í Vesturbænum.
Hvað þarf eiginlega til þess að svona menn séu fjarlægðir af lögreglu og dómskerfinu? Hvers eigum við almennir borgarar að gjalda?
Ég hélt að lögreglan og dómskerfið væri til þess að tryggja öryggi borgarana en ekki til þess að halda hlífiskildi yfir stórhættulegum mönnum. Eða hvað? Höfum við almennir borgarar kannski misskilið þetta eitthvað?
Ég vænti þess að þetta mál verði tekið upp af viðeigandi stjórnvöldum strax! Hér er um að ræða líf og limi almennra borgara! Ef ekkert verður að gert þá verður blóð næsta fórnarlambs á ykkar höndum!!!"
Þetta er alveg ótrúlegt mál og er ekkert skrítið að virðing og traust almennings á dómskerfinu séu rústir einar.
Fyrir hönd almennings: Vefstjórar á Alvaran.com og Málefnin.com
Sirrý krotaði klukkan 21:10 af ástúð
+
+ +
Vont - verra - verst
Vont: Konan þín er ólétt
Verra: Hún gengur með þríbura !
Verst: Þú fórst í ófrjósemisaðgerð fyrir 5 árum
Vont: Konan þín talar ekki við þig
Verra: Hún vill skilnað!
Verst: Hún er lögfræðingur
Vont: Sonur þinn er loksins að þroskast
Verra: Hann er að dandalast með konu nágrannans
Verst: Þú líka..
Vont: Sonur þinn eyðir miklum tíma í að læra heima inní herberginu sínu
Verra: Þú geymir nokkur fjöldan allan af klámspólum inni hjá honum
Verst: Þú leikur í þeim öllum !
Vont: Þú og maki þinn ákveðið að þið ætlið ekki að eiga fleiri börn
Verra: Þú finnur hvergi smokkana
Verst: Dóttir þín tók þá
Vont: Eiginmaður þinn skilur tísku
Verra: Hann er klæðskiptingur
Verst: Hann lítur betur út í kjól en þú
Vont: Póstburðarmaðurinn er snemma á ferðini
Verra: Hann er í hermannagalla og með haglabyssu
Verst: Þú gafst honum ekkert í jólagjöf
Vont: Sonur þinn er kominn með nyja kærustu
Verra: Kærastan er karlmaður
Verst: Hann er besti vinur þinn
Vont: Dóttir þín er búin að fá vinnu
Verra: Sem vændiskona
Verst: Samstarfsmenn þínir eru hennar helstu viðskiptavinir
Langverst: Hún þénar meira á viku en þú á ári..
Sirrý krotaði klukkan 12:49 af ástúð
+
+ +
sunnudagur, apríl 04, 2004
Algjör snilld:
Hver getur gleymt sögunni um konuna sem setti köttinn sinn inn í örbylgjuofninn, kærði fyrirtækið og vann málið á þeim forsendum að það stæði ekki í leiðbeiningunum að það mætti ekki setja dýr inn í ofninn. Þar af leiðandi hafa hin ýmsu lönd tekið til sinna ráða, og sett fáránlegustu lög til að koma í veg fyrir misskilning af þessu tagi. Hér koma nokkur af þeim....
Í Ástralíu er bannað að stunda kynlíf með kengúrum, auk þess sem bannað er að eiga rúm á ákveðnum stöðum án tilskilinna leyfa. Almennir borgarar mega heldur ekki skipta um ljósaperur. Löggiltir rafvirkjar mega einir gera slíkt. Það fáránlegasta af þessu öllu saman er kannski það að í bænum Victoria er bannað að vera í bleikum stuttbuxum eftir hádegi á sunnudögum. (Greyið Bína bleika)
Í bænum Santa Cruz í Bólivíu er bannað að stunda kynlíf með móður og dóttur á sama tíma. (ojojojojojojojojoj)
Kanadabúum er bannað að stíga um borð í flugvél eftir að hún er farin á loft (dahhhh). Það er líka ólöglegt að fjarlægja plástur og önnur sárabindi opinberlega. Í bæ einum segja lögin enn fremur til um að þegar fangi losnar úr fangelsi skal honum afhent hlaðin byssa ásamt hesti svo hann geti riðið út úr bænum sem fyrst.
Íbúum Calgary er bannað að kasta snjóboltum án þess að hafa sérstakt leyfi frá bæjarstjóra, og í Nova Scotia er bannað að vökva garða þegar það rignir. Þar er jafnframt bannað að prumpa á meðan maður reykir, en í bænum Oxbridge er bannað að hafa internettengingu sem er öflugri en 56k.
Í Kólumbíska bænum Cali mega konur aðeins stunda kynlíf með eiginmanni sínum og þegar það gerist í fyrsta skipti skal móðir konunnar vera viðstödd.
Enskum konum er bannað að borða súkkulaði í almenningssamgöngutækjum, s.s. lestum og strætisvögnum. Það er líka bannað að borða bökur á jóladag og svo mega eiginmenn alls ekki lemja konur sínar eftir kl. 21 á kvöldin.( ég sem ætlaði að berja hana á miðnætti.........)
Í Frakklandi er bannað að kyssast á járnbrautastöðvum og þarlendir svínabændur mega ekki undir neinum kringumstæðum kalla svínið sitt Napóleon.
Í Indónesíu liggur dauðarefsing við sjálfsfróun.
Ítalskir karlmenn mega ekki ganga um í kjólum. Ef þeir gera það eiga þeir á hættu að verða handteknir. Það er líka bannað að blóta opinberlega og í vissum héröðum mega konur sem heita María ekki stunda vændi.
Í Líbanon mega menn stunda kynlíf með dýrum svo framarlega sem dýrið er kvenkyns. Ef það er karlkyns liggur dauðarefsing við brotinu.
Í Sádí-Arabíu mega karlkyns læknar ekki meðhöndla konur. Lögin segja jafnframt að konur megi ekki gerast læknar. (eiga konurnar þá bara að drepast eða hvað?)
Í Sviss mega menn ekki pissa standandi eftir kl. 22 og heldur ekki hengja upp þvott utandyra, þvo bíla eða slá gras á sunnudögum. Þá liggja sektir við því að gleyma lyklum í ólæstum bílum.
Í Singapore eru munnmök með öllu ólögleg auk þess sem samkynhneigð er alls ekki leyfð. Ennfremur er allt klám bannað og fólk má ekki ganga um nakið heima hjá sér þar sem það er talið til kláms.
Í Skotlandi segja lögin að ef einhver bankar upp á og biður um að fá að nota klósett þá skal hann fá að gera það ella hljóti húsráðandi sektir.
Í Tælandi er ólöglegt að fara út úr húsi án þess að vera í nærfötum.
Sirrý krotaði klukkan 13:49 af ástúð
+
+ +
Góðan daginn og gleðilegan Pálmasunnudag (segir maður það?!?!)
Helgin er búin að vera frábær.. Börnin eru loksins komin :) Við lágum í leti í gær og lékum okkur eitthvað hérna heima.. Það er virkilega óþolandi að vera bíllaus, maður kemst ekki neitt! En við fórum í afmæli í gær, Sveinbjörn hélt kaffiboð fyrir alla fjölskylduna í tilefni af tvítugsafmælinu sínu! Það var alveg æðislega gaman.. Allir ættingjarnir á svæðinu samankomnir! Frábært! Svo í dag er stefnan tekin á mat heima hjá tengdó! Allt alveg frábært!
En ég hef lítinn tíma í þetta, heyri í ykkur síðar!
Sirrý krotaði klukkan 11:06 af ástúð
+
+ +
föstudagur, apríl 02, 2004
Þá er dagurinn runninn upp, biðin er á enda.. Börnin koma í kvöld!! :) Ég var svo spennt í gærkvöldi að ég gat ekki sofnað! Lá andvaka til að verða þrjú í nótt, alveg að verða geðveik! Og af þeim sökum átti ég mjög erfitt með að vakna í morgun.. Sigurgeir þurfti að sparka mér út úr rúminu svo að ég missti ekki af farinu.. Af því að bíllinn okkar nýji og fíni er bilaður. AAAAARGGGGGG!!!
En, gleðin nær að yfirvinna allt... Börnin að koma, helgarfrí að byrja, páskarnir að koma, Síminn gaf mér fullt af peningum í gær... Hvað gæti maður beðið um meira???
Gleði*bros*gleði*bros*
Sirrý krotaði klukkan 08:45 af ástúð
+
+ +
fimmtudagur, apríl 01, 2004
Ég hef ekkert að segja... Er algjörlega andlaus.
Vil samt þakka Símanum fyrir að gefa mér peninga! Loksins rættist draumurinn um að einhver gæfi mér peninga, no questions asked!! Rock on!!!!!
Sirrý kveður, með fullar hendur fjár!!
Sirrý krotaði klukkan 17:12 af ástúð
+
+ +
